تعرفوا ايه عن شعور الصبية وهى بتميل عالحيطان
عشان تكلمها وتناجيها؟
مجنونة عشان فى حضرة الحيطان الصُحبة بتلاقيها؟
ولا مجنون اللى قالّها أن الحيطان ليها ودان؟
ولا مجنون الدهر عشان عن قسوة البشر يعلمها؛
فيوم لعب بيها؟
الحيطان لما سمعت سرها اتأثرت؛
قررت تحتضنها؛
فمالت الحيطان عالصبيَّة
ومع سرها تحت أنقاض البيت دفنتها
صدق اللى قال أن البيت كان فيه روح
قولولى تعرفوا ايه عن شعور الصبيَّة
اللى مالت عليها الحيطان؟
